09.01.18


A Idea da Beleza. Olga Novo

Fóra.

Fóra tribo.

…Se bailaras comigo

habías de comer o saber

cru

a impalabra do meu carácter montañés

bárbaro

e voitral

habías de beber os ouriños benditos por belce

come

come

tu.

A foránea levo nunha lingua anticristá unha flor unha flor unha flor

tan aberta

que pensa

…se bailaras comigo

ata partirme o espiñazo e facer dúas de min

meu ben

se me viras ben

ven

e baila comigo.

.

Vivín coa boca seca coma o deserto do Dakar

ata tocar

a punta infinitesimal dos meus mexos

marqués

marqués de nada

só señor da miña cona noite inmensa papila gustativa do mundo

vulva perfuradísima

botón de terra

antilei da gravitación universal.

.

O centro da terra non atrae as miñas verbas

eu douchas de comer na túa ansia coprófila

esta excrementación silábica esta apalabración

que me inflama os intestinos

cheos de amor

e merda.

.

A idea da beleza

cruzando o ceo cara o sur

na migración das aves

describe a curva depravada

o grao máis alto

de poesía pura

caendo como a suor polos teus poros

abertos que son

buratos negros

e unha cousa preciosa da astrofísica.

A idea de beleza migra no teu cuspe

esa substancia que rompe a barreira do son

sobre min

podemos

Foder

ata romper a paus o espírito de Deus

podemos

Foder ata sentir o cu da noite

onde ninguén viu as patas dunha garza

anunciar a luz do día

Foder

ata arrasar as cordilleiras da miseria

podemos

Foder

ata caer

sentir o crac do cromosoma do poder

podemos

Foder ata tocar a nosa soedade co teu prepucio só

Foder

nos

ata o final

ata ver a morte curvándose na derradeira postura do pracer

Foder

ata

Foder

e xa non ser

máis

cá sombra dunha dimensión fodendo a catro patas

no borde do universo

ti e eu

Fodendo de xeonllos

na noite estrelada da mente de Platón

pensando

quizais

na idea da beleza.

Dejar un comentario

Tu dirección de correo electrónico no será publicada. Los campos obligatorios están marcados con *