09.07.17


VENTO Nº4

Se tivese que pensar un final sería nunha praia, contigo,

nunha praia que toque o océano,
que teña area oscura e na que non haxa ninguén,

só nós para percorrer un baleiro natural.

Encher con todos os nosos poros os ocos que hai entre area e area,

entre baño e baño, entre caricia e caricia.

Se tivese que pensar un final sería nunha cidade inmensa, chea de cores e teatros,

respirando o movemento da vida no seu esplendor. Ir a restaurantes de luxo,

saltar nas camas dos hoteis ó mediodía, ir a varias sesións de cine seguidas.

Contigo.
Se tivese que pensar un final sería nunha selva tropical,

chea de perigos e serpes venenosas,
de panteras coas que pelexar e gañar batallas,

de tribus coas que intentar entendernos. De casas nas árbores.

Contigo.

De comidas exóticas entre a maleza

e paixóns indescriptibles tocando o ceo.

Se tivese que pensar un final só sería contigo.

Dejar un comentario

Tu dirección de correo electrónico no será publicada. Los campos obligatorios están marcados con *